معلومة يمكن البعض مايدري عنها في ios 9

السلام عليكم

يا جماعة ركزو في كلامي شوي ... التحديث ios 9 مامنه فود وفاشل

ناس فرحانين ان البطارية تبقى اكثر من قبل بسبب خاصية الحفاظ على البطارية

اللي ماتدرون فيه ان هذي الخاصية تقلل من سرعة الجهاز للحفاظ على البطارية وقت اطول

يعني كأنك يابو زيد ماغزيت

اذا قلت سرعة المعالج وسرعة لجرافيك كارد معناتها كأن شخص عنده ايفون 6 وتحول جهازه من ايفون 6 الى ايفون 4

قاعدين تتخيلون معاي ؟؟

تخيلو سرعة المعالج مثلا خل نقول 2.0 وبعد تشغيل خاصية الحفاظ على البطارية يتحول معالج الجهاز الى 0.800

ولجرافيك كارد ايضا يستوي بطيئ

يعني هذي الخاصية مفيده فقط في حال انك بعيد عن المنزل ومتورط ماعندك شاحن والبطارية حول 10% ... تشغل هذي الخاصية علشان تقلل سرعة المعالج ولجرافيك كارد علشان يبقى معك الجوال شغال وقت اطول

لكن كإستخدام فهذي الخاصية مامنها فود نهائيا لأنها تقلل سرعة المعالج ولجرافيك كارد ... يعني راح يستوي الجهاز بطيئ لما تفتح برامج او العاب

علشان تصدقون كلامي .... شغلو مثلا خل نقول برنامج سناب او برنامج الانستقرام او لعبة ... طفو البرنامج او اللعبة وشغلو الخاصية وشغلو البرنامج او اللعبة من جديد وشوفو كيف تكون السرعة اقل

الله ياني مقهور لأني تركت التحديث 8.3 وحدثت الى هذا التحديث الفاشل 9


المفروض ميزة خفض البطارية يسونها بالطريقة هذي:

لما افعل هذي الخاصية المفروض كل هذي الأشياء تغلق اللي هي:

1- نسبة الإضاءة تقل وتصير مثلا 45%

2- البلوتوث يغلق

3- الوايفاي يغلق

4- تغلق التأثيرات الصوتية والمرئية ... يعني التأثيرات الشكلية للجهاز تنغلق والتاثيرات الصوتيه تغلق

5- فترة اغلاق الجهاز اوتوماتيكيا تكون 30 ثانية

6- سبوت لايت وغيرها من اشياء غير ضروريه وكماليات تغلق كلها

هذي الأشياء اللي المفروض يسونها بمجرد اني اشغل خاصية الحفاظ على البطارية تغلق هذي الأشياء جميعها مع بعض

مو امخفضين سرعة المعالج ولجرافيك كارد